Собор новомучеников и исповедников Церкви Русской празднуется 7 февраля (25 января), в случае совпадения этого числа с воскресным днем; в предшествующий этой дате воскресный день, если 7 февраля приходится на дни от понедельника до среды; в последующий этой дате воскресный день, если 7 февраля приходится на дни от четверга до субботы. Только в день празднования Собора новомучеников и исповедников Церкви Русской совершается память святых, дата смерти которых неизвестна.
В этот день Святая Церковь совершает поминовение и всех усопших, пострадавших в годину гонений за веру Христову. Поминовение это совершается по определению Священного Синода Русской Православной Церкви от 30 января 1991 года на основании решения Поместного Собора 1917–1918 годов.
Жестокий и кровавый XX век стал особенно трагическим для России, потерявшей миллионы своих сынов и дочерей не только от руки внешних врагов, но и от собственных гонителей-богоборцев. Среди злодейски убиенных и замученных в годы гонений было неисчислимое множество православных: мирян, монахов, священников, архиереев, единственной виной которых оказалась твердая вера в Бога.
Архиерейский Собор Русской Православной Церкви в Отечестве весной 1992 года установил празднование Собора новомучеников и исповедников Российских XX века 25 января, если этот день совпадает с воскресным днем, а если не совпадает — то в ближайшее последующее воскресенье. Дата была сопряжена с днём памяти священномученика Владимира (Богоявленского), во главе Собора было поставлено имя патриарха Московского и всея России Тихона.
В принятии такого решения Собор руководствовался постановлением Всероссийского Поместного Собора 1917-1918 гг., где в Определении «О мероприятиях, вызываемых происходящим гонением на Православную Церковь» устанавливалось в этот день совершать поминовение «всех усопших в нынешнюю лютую годину гонений исповедников и мучеников». В соответствии с данными решениями в этот день празднуется память уже прославленных поименно новомучеников и исповедников Российских. Общецерковное празднование памяти всего Собора новомучеников Российских, прославленных поименно и безымянных, должно совершаться в этот день, что не исключает возможности по благословению Святейшего Патриарха назначать особые дни памяти местных соборов новомучеников с указанием названий епархий и имён уже прославленных святых, иногда с указанием числа мучеников и места их страдания. Например: «Святые мученики Московские: митрополит Крутицкий Петр и все за веру Христову в чистой совести и единении с Церковью непорочно пострадавшие, имена же их Ты, Господи, веси»; или: «Святые мученики Бутовские: митрополит Серафим и все более трёхсот страстотерпцев за веру Христову в чистой совести и единении с Церковью непорочно пострадавшие, имена же их Ты, Господи веси». Такая форма позволит исключить из чина почитания тех, кто скончался вне Православной Церкви, отпав от неё из-за церковного раскола или из-за предательства, или по нецерковным мотивам.
Прославление в лике святых сонма новомучеников и исповедников Церкви Русской на юбилейном Архиерейском Соборе 2000 года, на рубеже тысячелетий, подвело черту под страшной эпохой воинствующего безбожия. Это прославление явило миру величие их подвига, озарило пути Промысла Божьего в судьбах нашего Отечества, стало свидетельством глубокого осознания трагических ошибок и болезненных заблуждений народа. В мировой истории еще не бывало такого, чтобы столько новых небесных заступников прославила Церковь (к лику святых причислены более тысячи новых мучеников).
Среди пострадавших за веру в ХХ веке – святитель Тихон, патриарх Московский и всея Руси, избрание которого произошло в Храме Христа Спасителя (1925); святые царственные страстотерпцы; священномученик Петр, митрополит Крутицкий (1937); священномученик Владимир, митрополит Киевский и Галицкий (1918); священномученик Вениамин, митрополит Петроградский и Гдовский; священномученик митрополит Серафим (Чичагов) (1937); ключарь Храма Христа Спасителя священномученик протопресвитер Александр (1937); преподобномученицы великая княгиня Елисавета и инокиня Варвара (1918) и целый сонм святых явленных и неявленных.
По благословению Святейшего Патриарха Московского и всея Руси совершается поимённое включение новых святых в состав уже прославленного Собора на основании исследований, проведённых Синодальной Комиссией по канонизации святых. Не позволительно без благословения Святейшего Патриарха включать поимённо новых мучеников и исповедников в Собор новомучеников. Самовольная конкретизация имён новых мучеников без благословения на то Святейшего Патриарха, данного в ответ на представление Синодальной Комиссии по канонизации святых, не позволительна. Недопустимо Правящим Преосвященным без благословения Святейшего Патриарха изображать на иконах святых, не поименованных решением Соборов и не получивших на то Патриаршего благословения.
Только в день празднования Собора новомучеников и исповедников Российских совершается память святых, дата смерти которых неизвестна.
 |
| Собор новых мучеников и исповедников Российских. Иконописная школа Масюковой Н.В. Сергиев Посад. 2002 г. |
В Соборе новомучеников и исповедников Российских XX века на июль 2006 года поименно канонизирован 1701 человек, из них [2]:
- Архиерейским Собором 1989 года — 1 человек
- Архиерейским Собором 1992 года — 7 человек
- Архиерейским Собором 1994 года — 2 человека
- Архиерейским Собором 1997 года — 3 человека
- Архиерейским Собором 2000 года — 1097 человек
- Решениями Священного Синода включены в Собор новомучеников и исповедников Российских:
- от 27 декабря 2000 года — 57 человек (Комиссия по канонизации святых , 51-е заседание);
- от 22 февраля 2001 года — 15 человек (52-е заседание);
- от 17 июля 2001 года — 32 человека (53-е заседание);
- от 6 октября 2001 года — 36 человек (54-е заседание);
- от 26 декабря 2001 года — 39 человек (55-е заседание);
- от 11 марта 2002 года — 30 человек (56-е заседание);
- от 24 апреля 2002 года — 2 человека (57-е заседание);
- от 17 июля 2002 года — 82 человека (57/58-е заседания);
- от 7 октября 2002 года — 19 человек (59-е заседание);
- от 24 декабря 2002 года — 14 человек (60-е заседание);
- от 7 мая 2003 года — 42 человека (61-е заседание);
- от 30 июля 2003 года — 28 человек (62-е заседание);
- от 6 октября 2003 года — 14 человек (63-е заседание);
- от 26 декабря 2003 года — 18 человек (64-е заседание);
- от 25 марта 2004 года — 20 человек (65/66-е заседания);
- от 17 августа 2004 года — 21 человек (67/68-е заседания);
- от 1 октября 2004 года — 9 человек (69-е заседание);
- от 24 декабря 2004 года — 8 человек (70-е заседание);
- от 20 апреля 2005 года — 21 человек (71-е заседание);
- от 17 июля 2005 года — 14 человек (72-е заседание);
- от 6 октября 2005 года — 16 человек (73-е заседание);
- от 27 декабря 2005 года — 21 человек (74-е заседание);
- от 11 апреля 2006 года — 19 человек (75-е заседание);
- от 17 июля 2006 года — 14 человек (76-е заседание).
- От Московской епархии прославлено 508 человек
 |
| Новомученики Российские. Ватагина И.В., Карпова В.Ю. Роспись. Москва. 2000 — 2007 годы. Храм свт. Николая в Клёниках. |
С июля 2007 Церковь в Отечестве и воссоединившаяся с ней Церковь Зарубежом начали составлять общий список новомучеников, пострадавших за веру от большевиков. К этому времени процесс выявления святых значительно замедлился. Из-за отсутствия документов почти прекратился процесс прославления новомучеников первых двух лет советской власти; очень медленно шла канонизация представителей так называемой «правой оппозиции»; другим тормозящим фактором была неизвестность мест расстрела и захоронения [3].
На начало февраля 2011 года к лику новомучеников и исповедников Российских поименно причислено более 1770 подвижников [4].
На 22 марта 2011 года — 1776 человек [5].
Члены Архиерейского Собора 2-5 февраля 2013 года, обсуждая вопрос о времени празднования Собора новомучеников и исповедников Российских, пришли к выводу о целесообразности употребления именования «Собор новомучеников и исповедников Церкви Русской», в связи с тем, что каноническая ответственность Русской Православной Церкви простирается на многие государства. Это суждение нашло свое отражение в пункте 30 Постановлений Собора, в котором употребляется новое именование. 29 мая того же года постановлением Священного Синода новое именование было утверждено для использования в официальных церковных документах и изданиях, в том числе богослужебных [6].
В связи с различием практик, принятых в Русской Зарубежной Церкви и в Церкви в Отечестве относительно времени празднования Собора новомучеников и исповедников Церкви Русской, Архиерейский Собор 2013 года определил установить празднование Собора новомучеников и исповедников Церкви Русской: 25 января (по старому стилю), в случае совпадения этого числа с воскресным днем; в предшествующий этой дате воскресный день, если 25 января (по старому стилю) приходится на дни от понедельника до среды; в последующий этой дате воскресный день, если 25 января (по старому стилю) приходится на дни от четверга до субботы [7].
 |
| Средник. Тканая копия с иконы Собора новомучеников и исповедников Российских из Храма Христа Спасителя. |
Иконография
Ключевой в формировании иконописной традиции Собора новомучеников стала икона написанная к их общему прославлению в августе 2000 года (см. первую иллюстрацию в статье). Икона состоит из трех частей: средника — главной части, где представлен собор святых в прославленном состоянии; деисусного чина в верхнем ряду; боковых клейм с изображениями мученических подвигов. Средник и деисусный чин выполнены, в целом, в соответствии с традиционными каноническими образцами, а клейма являются во многом новыми композициями, созданными для отображения подвигов новых мучеников. Стилистика письма приближена к памятникам начала XVI века — эпохи становления Русского царства. Икона была создана группой ведущих иконописцев Православного Свято-Тихоновского богословского института. Написана на липовой доске с паволокой и левкасом. Общие размеры — 167х135 см; средник – 101х80 см; отдельное клеймо — ок. 25х19 см.
В среднике сонм новопрославленных святых представлен на фоне храм Христа Спасителя в Москве — центра и образа страданий и возрождения Русской Церкви в XX веке, а также символа Царствия Небесного. Перед храмом — престол, одетый в красное пасхальное облачение. На престоле лежит раскрытое Евангелие со словами Спасителя: «Не убойтеся от убивающих тело, души же не могущих убити…» (Мф. 10, 28). Несколько выше, в самом центре композиции — крест, указывающий на мученический подвиг и торжество Церкви над грехом через Крест Христов. На оси креста, ниже престола, изображены Царственные страстотерпцы с государем Николаем II в середине. Они находятся в центре, так как олицетворяют благословленный Богом принцип верховной власти и порядка, противостоящего хаосу. Святая царская семья помещена ниже иерархов, через которых власть получает Божие благословение и приобретает законный характер. Сонм иерархов, являющихся возглавителями Церкви, возглавляется святыми патриархом Тихоном Московским и всея Руси и патриаршим местоблюстителем митрополитом Петром Крутицким. Ниже епископов, такими же рядами справа и слева от расположенных в центре царственных мучеников, предстоят святые мученики от священства, монашества, мирян. В первом ряду рядом с Царской семьей стоят святые преподобномученицы великая княгиня Елисавета с инокиней Варварой; с противоположной стороны видим священномучеников архимандритов Сергия (Шеина) и протоиерея Философа Орнатского, и множество других. Кроме поименованных фигур в каждой группе присутствуют также безымянные, среди мирян — и мужи, и жены, и дети. Средник иконы являет соборную полноту Русской Церкви, образ торжества Церкви воинствующей.
Над ней и в соединении с ней изображена в деисусном чине Церковь торжествующая на небесах, в вечном Царстве Христовом. В центре, как всегда, образ Спасителя, который главенствует в иконе, венчая её центральную ось. В изображенном деисусном чине вслед за Пресвятой Богородицей и святым Иоанном Предтечей и апостолами Петром и Павлом представлены избранные русские святые X—XIX веков. За архангелами Михаилом и Гавриилом стоят апостол Андрей и равноапостольный князь Владимир. Далее изображены Московские святители Петр и Алексий, Иона и Филипп, Иов и Ермоген; благоверные князья Борис и Глеб, преподобные Сергий и Серафим, праведный Иоанн Кронштадтский и преподобный Амвросий Оптинский. Так свидетельствуется неразрывная преемственная связь святых новейшего времени с их предшественниками.
В клеймах по бокам и внизу средника изображены наиболее известные места мученических подвигов и наиболее выдающиеся страдания святых, как характеризующие свидетельство Церкви о вере в наибольшей полноте и очевидности. На клеймах представлены 1) страдания новых мучеников в обращенном в лагерь бывшем Соловецком монастыре; 2) страдания и кончина священномученика Петра Крутицкого; 3) суд над священномучеником Вениамином Петроградским и иже с ним; 4) мученический подвиг священномучеников Андроника Пермского и Ермогена Тобольского; 5) разорение Троице-Сергиевой Лавры и похищение мощей преподобного Сергия; 6) убиение преподобномученицы Елисаветы и ихже с нею; 7) патриарх Тихон в заточении в Донском монастыре; 8) убиение Царственных страстотерпцев и слуг их; 9) убиение праведников в Бутове; 10) расстрел крестного хода в Астрахани; 11) кончина священномученика Владимира Киевского; 12) образ безымянной святой жены с детьми; 13) арест безымянного священника в храме во время богослужения; 14) разорение Саровской обители и похищение мощей преподобного Серафима; 15) убиение священномученик Кирилла Казанского и иже с ним.
Тропарь Собора новомучеников и исповедников Церкви Русской
глас 4
Днесь радостно ликует Церковь Русская,/ прославляющи новомученики и исповедники своя:/ святители и иереи,/ царственныя страстотерпцы,/ благоверныя князи и княгини,/ преподобныя мужи и жены/ и вся православныя христианы,/ во дни гонения безбожнаго/ жизнь свою за веру во Христа положившия/ и кровьми истину соблюдшия./ Тех предстательством, долготерпеливе Господи,/ страну нашу в Православии сохрани// до скончания века.
Ин тропарь Собора новомучеников и исповедников Церкви Русской
глас 4
Цвети Российскаго луга духовнаго/ в годину лютых гонений дивно процветшии/ новомученицы и исповедницы безчисленнии:/ святителие, царственнии страстотерпцы и пастырие,/ монаси и мирстии, мужие, жены же и дети,/ добрый плод в терпении Христу принесшии,/ молитеся Ему, яко насадителю вашему,/ да избавит люди Своя от безбожных и злых,/ да утверждается же Церковь Русская/ кровьми и страдании вашими/ во спасение душ наших.
Кондак Собора новомучеников и исповедников Церкви Русской
глас 3
Днесь новомученицы Российстии/ в ризах белых предстоят Агнцу Божию/ и со Ангелы песнь победную воспевают Богу:/ благословение, и слава, и премудрость,/ и хвала, и честь,/ и сила, и крепость/ нашему Богу// во веки веков. Аминь.
Ин кондак Собора новомучеников и исповедников Церкви Русской
глас 2
Новии страстотерпцы Российстии,/ исповеднически поприще земное прошедши,/ страданиями дерзновение приимшия,/ молитеся Христу на вас призревшему,/ яко да молящиися вам в час испытания веры их, / мужества дар приимут./ Образ бо есте нам, лобызающим стопы ваша,/ яко ни скорбь, ни теснота, ни смерть,/ от любве Божия разлучити вас не возмогоша.
Величание
Величаем вас,/ святии новомученицы и исповедницы Российстии,/ и чтим честная страдания ваша,/ яже за Христа/ претерпели есте.
Тропарь, кондак, величание священномученику Российскому XX века
Тропарь, глас 3
Церкве Русския столпе непоколебимый,/ благочестия правило,/ жития евангельскаго образе,/ священномучениче (имярек),/ Христа ради пострадавый даже до крове,/ Егоже моли усердно,/ яко Начальника и Совершителя спасения,/ Русь Святую утвердити в Православии// до скончания века.
Кондак, глас 2
Восхвалим, вернии,/ изряднаго во святителех (или священницех)/ и славнаго в мученицех {имярек),/ Православия поборника и благочестия ревнителя,/ земли Русския красное прозябение,/ иже страданием Небес достиже/ и тамо тепле молит Христа Бога// спастися душам нашим.
Величание
Величаем тя,/ священномучениче {имярек),/ и чтим честная страдания твоя,/ яже за Христа/ во утверждение на Руси Православия// претерпел еси.
Тропарь, кондак, величание священноисповеднику Российскому XX века
Тропарь, глас 2
Священноисповедниче отче (имярек),/ во дни гонений безбожных на Церковь Русскую/ поношения, заточение, изгнание и горькия работы,/ Христа ради претерпел еси,/ и ничтоже разлучи тя от любве Божия./ Таже, благочестно в мире пожив,/ свидетельствовал еси Господа Иисуса Христа,/ Егоже моли спастися душам нашым.
Кондак, глас той же
Яко звезда новая Церкве Русския явился еси,/ терпеливодушне (имярек) священноисповедниче,/ Христа Бога прославляя/ и в нощи безбожия путь верным указуя./ Темже молим тя:/ моли нам, сродником твоим,/ в вере Православней утвердитися/ и спастися душам нашым.
Величание
Величаем тя,/ священноисповедниче (имярек),/ и чтим святую память твою,/ ты бо молиши за нас/ Христа, Бога нашего.
Тропарь, кондак, величание преподобномученику Российскому ХХ века
Тропарь, глас 1
Верный ученик Христа даже до смерти быв,/ преподобномучениче (имярек) приснопамятне,/ подвиги бо поста и кровию мучений/ землю Русскую освятил еси./ Темже и мы, чада твоя, любовию вопием ти:/ слава Давшему ти крепость,/ слава Венчавшему тя,/ слава Прославльшему тя с новомученики Российскими.
Кондак, глас 3
Мирскаго мятежа удалився,/ добре Богу послужил еси,/ во дни же гонений на Церковь Русскую,/ кровь твою за Христа пролиял еси/ и страданьми твоими землю нашу обагрил еси./ Темже молися, преподобномучениче (имярек),/ сохранитися ей в Православии и благочестии/ до скончания века.
Величание
Величаем тя,/ преподобномучениче (имярек),/ и чтим подвиги и страдания твоя,/ яже за Христа/ претерпел еси.
Тропарь, кондак, величание преподобноисповеднику Российскому ХХ века
Тропарь, глас 2
Преподобноисповедниче отче (имярек),/ во дни гонений безбожных на Церковь Русскую/ поношения, заточение, изгнание и горькия работы,/ Христа ради претерпел еси,/ и ничтоже разлучи тя от любве Божия./ Таже, благочестно в мире пожив,/ свидетельствовал еси Господа Иисуса Христа,/ Егоже моли спастися душам нашым.
Кондак, глас той же
Яко звезда новая Церкве Русския явился еси,/ терпеливодушне (имярек) преподобноисповедниче,/ Христа Бога прославляя/ и в нощи безбожия путь верным указуя./ Темже молим тя:/ моли нам, сродником твоим,/ в вере Православней утвердитися/ и спастися душам нашым.
Величание
Ублажаем тя, преподобноисповедниче (имярек),/ и чтим святую память твою,/ наставниче монахов/ и собеседниче ангелов.
Тропарь, кондак, величание мученику Российскому ХХ века
Тропарь, глас 4
Мученик Твой, Господи, (имярек),/ во страдании своем венец прият нетленный от Тебе, Бога нашего,/ имеяй бо крепость Твою,/ мучителей низложи,/ сокруши и демонов немощныя дерзости./ Того молитвами/ спаси душы нашя.
Кондак, глас 5
Верный сын Земли Русския явился еси,/ новомучениче (имярек),/ Христа, Солнце Правды, возвещая/ и безбожия тьму отгоняя./ Ныне же, сродники твоя в Православней вере утверждая,/ молися о душах наших.
Величание
Величаем тя,/ страстотерпче святый (имярек),/ и чтим честная страдания твоя,/ яже за Христа/ претерпел еси.
Тропарь, кондак, величание исповеднику Российскому ХХ века
Тропарь, глас 4
Страдания за Христа претерпев,/ веру Православную сохранил еси/ и, терпением гонители Церкве Русския посрамив,/ благочестно в законе Господни пожил еси,/ исповедниче славне (имярек),/ престолу Божию предстоя,/ моли спастися душам нашым.
Кондак, глас 2
Яко звезда новая Церкве Русския явился еси,/ терпеливодушне (имярек) исповедниче,/ Христа Бога прославляя/ и в нощи безбожия путь верным указуя./ Темже молим тя:/ моли нам, сродником твоим,/ в вере Православней утвердитися/ и спастися душам нашым.
Величание
Величаем тя,/ исповедниче святый (имярек),/ и чтим святую память твою,/ ты бо молиши за нас/ Христа, Бога нашего.
Тропарь, кондак, величание преподобномученице Российской XX века
Тропарь, глас 5
Христа Господа Иисуса верная ученице,/ Церкве Российския избранная агнице,/ преподобная страстотерпице (имярек),/ легкое иго и язвы Его любовию носящи,/ лествицею мучений/ к Нему, яко Небесному Жениху, востекла еси,/ Егоже моли сохранити в благочестии люди Российския// и спасти души наша.
Кондак, глас 4
Яко крин багряновидный,/ посреде терний безбожия/ в земнем отечестве твоем процвела еси,/ преподобномученице (имярек) честная,/ подвиги воздержания страданием украсивши,/ востекла еси к Небесному Жениху Христу,// Иже увенча тя красотою славы нетленныя.
Величание
Величаем тя,/ страстотерпице преподобная мати (имярек),/ и чтим честная страдания твоя,/ яже за Христа/ во утверждение на Руси Православия// претерпела еси.
Тропарь, кондак, величание преподобноисповеднице Российской ХХ века
Тропарь, глас 5
Христа Господа Иисуса верная ученице,/ Церкве Российския избранная агнице,/ преподобная мати (имярек),/ легкое иго и язвы Господни любовию носящи,/ лествицею добродетелей и исповеданием веры/ к Нему, яко Небесному Жениху, востекла еси,/ Егоже моли сохранити в благочестии люди Российския/ и спасти душы нашя.
Кондак, глас 4
Яко крин благоуханный,/ посреде пустыни безбожия/ в земнем отечестве твоем процвела еси,/ преподобная мати (имярек),/ и, подвиги воздержания исповеданием веры украсивши,/ востекла еси к Небесному Жениху Христу,/ Иже увенча тя красотою славы нетленныя.
Величание
Величаем тя,/ преподобноисповеднице (имярек),/ и чтим святую память твою,/ ты бо молиши за нас/ Христа Бога нашего.
Тропарь, кондак, величание мученице Российской ХХ века
Тропарь, глас 4
Благочестно в законе Господни поживши,/ веру Православную сохранила еси/ и, терпением гонители Церкве Русския посрамивши,/ смерть за Христа прияла еси,/ мученице славная (имярек),/ престолу Божию предстоящи,/ моли спастися душам нашым.
Кондак, глас 5
Яко агница кроткая, / воспитанная на пажитех Церкве Русския,/ страстотерпице Христова (имярек),/ посреде лютых мучителей/ тепле молилася еси:/ Господи, прости им,/ не ведят бо, что творят.
Величание
Величаем тя,/ святая [ново]мученице (имярек),/ и чтим честная страдания твоя,/ яже за Христа/ претерпела еси.
Тропарь, кондак, величание исповеднице Российской ХХ века
Тропарь, глас 4
Благочестно в законе Господни поживши,/ веру Православную сохранила еси/ и, терпением гонители Церкве Русския посрамивши,/ страдания за Христа претерпела еси,/ исповеднице славная (имярек),/ престолу Божию предстоящи,/ моли спастися душам нашым.
Кондак, глас той же
Яко крин благоуханный,/ посреде пустыни безбожия/ в земнем отечестве твоем процвела еси,/ блаженная мати (имярек),/ и, житие добродетельное исповеданием веры украсивши,/ востекла еси к Небесному Жениху Христу,/ Иже увенча тя красотою славы нетленныя.
Величание
Величаем тя,/ исповеднице Христова (имярек),/ и чтим святую память твою,/ ты бо молиши за нас/ Христа Бога нашего.
Молитва новомученикам и исповедникам Церкви Русской
О, святи́и новому́ченицы и испове́дницы Росси́йстии:/ святи́телие и па́стырие Це́ркве Христо́вы,/ ца́рственнии страстоте́рпцы,/ благове́рнии кня́зие и княги́ни,/ до́блии во́ини, мона́си и мирсти́и,/ благочести́вии му́жие и жены́,/ во вся́цем во́зрасте и сосло́вии за Христа́ пострада́вшии,/ ве́рность Ему́ да́же до сме́рти свиде́тельствовавшии/ и вене́ц жи́зни от Него́ прие́мшии!
Вы во дни гоне́ния лю́таго,/ зе́млю на́шу от безбо́жных пости́гшаго,/ на суди́щах, в заточе́ниих и про́пастех земны́х,/ в го́рьких рабо́тах и вся́ких ско́рбных обстоя́ниих/ о́браз терпе́ния и непосты́днаго упова́ния му́жественне яви́ли есте́./ Ны́не же, в раи́ сла́дости наслажда́ющеся,/ пред Престо́лом Бо́жиим во сла́ве предстои́те/ и при́сно хвалу́ и хода́тайство со А́нгелы и все́ми святы́ми Триеди́ному Бо́гу возно́сите.
Сего́ ра́ди мы, недосто́йнии,/ мо́лим вас, святи́и сро́дницы на́ши:/ не забу́дите земна́го оте́чества ва́шего,/ грехо́м Ка́инова братоуби́йства,/ поруга́нием святы́нь, безбо́жием и на́шими беззако́нии отягче́ннаго./ Умоли́те Го́спода Сил,/ да утверди́т Це́рковь Свою́ непоколеби́му в ми́ре сем многомяте́жнем и лука́вом;/ да возроди́т в Земли́ на́шей дух братолю́бия и ми́ра;/ да па́ки бу́дем мы ца́рское свяще́ние,/ род Бо́жий, избра́нный и святы́й,/ при́сно с ва́ми сла́вящий Отца́ и Сы́на и Свята́го Ду́ха во ве́ки веко́в. Ами́нь.
Канон Собору новомучеников и исповедников Церкви Русской
Песнь 1
Ирмос: Сеченное сечется море Чермное, волнопитаемая же изсушается глубина, таяжде купно безоружным бывши проходима и всеоружным гроб. Песнь же богокрасная воспевашеся: славно прославися Христос Бог наш.
Припев: Святии новомученицы и исповедницы Российстии, молите Бога о нас.
Господи, Боже наш, присно прославляющий вся святыя, ныне и нас, недостойных, сподоби сыновне прославити святых сродников наших, новомучеников и исповедников Российских.
Кровьми вашими священномученицы, яко в Чермнем мори, потопили есте безбожныя мучители, Церковь же Русская, вами красящися, похвалы победныя, яко земля обетованная мед и млеко, вам источает.
Егда дадеся вам благодать, не точию во Христа веровати, но и по Нем страдати, немокренно пучину кровных мук проидосте, святии мученицы, верным сыновом российским образ явльше, и со дерзновенным исповеданием во врата Небесная внидосте.
Богородичен: Приими песнь хвалебную от недостойных уст возносимую, препрославленная Мати Божия.
Песнь 3
Ирмос: Господь Сый всех и Зиждитель Бог, созданное, безстрастный обнищав, Себе соедини, и Пасха, за яже хотяше умрети, Сам Сый Себе предпожре: ядите, вопия, Тело Мое, и верою утвердитеся.
Егда буря нечестия на Церковь Русскую воздвижеся, вы, святии новомученицы, страданьми вашими со тщанием укротисте ю и подвиги вашими Православие утвердисте.
Муки велия за Церковь Христову претерпесте, святии новомученицы, молите утвердитися Ей незыблемей и непоколебимей до скончания века.
Страданьми и исповеданием Христа, святии сродницы наши, вшедше в Небесная селения, яко древле Израиль в землю обетованную, отечество ваше земное, Русь Святую, в любви сохраняйте молитвами вашими.
Богородичен: Небесных кругов вышшая и славою Божественною преукрашенная, Дево Мати Божия, спаси души наша.
Седален,глас 2:
Новии страстотерпцы Российстии, мученически поприще земное скончавшии и страданьми дерзновение ко Господу приобретшии, молитеся Ему, вас укрепльшему, да и мы, егда найдет на ны испытания час, мужества дар Божий восприимем.
Песнь 4
Ирмос: Провидев пророк тайну Твою неизреченную, Христе, провозгласи: положил еси твердую любовь крепости, Отче Щедрый, Единородного бо Сына, Благий, очищение в мир послал еси.
Всем концем земли явися чудо смотрения Твоего, Владыко, кровию бо новомученик, яко водою, угасил еси в Российстей земли пламень нечестия и развращения, и спасл еси люди Твоя.
Славу Божию наследовали есте, новомученицы, просиявшии в земли нашей, отвергшеся бо себе и страх смертный препобедивше, любовь к Богу даже до смерти мужественне сохранили есте.
Подвигом добрым подвизавшиися, святии новомученицы Российстии, к покаянию и добродетельному житию подвигните нас, да и мы вашими молитвами сподобимся прославляти Господа во Царствии Его.
Богородичен: На Твой надеющеся покров, Мати Божия, со святыми новомученики и исповедники Российскими прославляем милосердие Твое.
Песнь 5
Ирмос: Союзом любве связуеми апостоли, владычествующему всеми себе Христу возложше, красны ноги очищаху, благовествующе всем мир.
Дерзновенно, святии, исповедали есте Господа пред отступники и гонители: с нами Бог, взывающе, разумейте и покаряйтеся, страха вашего не убоимся, ниже смутимся, яко с нами Бог.
Уврачуйте молитвами вашими, святии новомученицы Российстии, люди богоборныя, враждою и убийствы дышущия, и мир стране нашей и верным людем даруйте.
Предстояще Христу, власть имущу судити всему миру, святии новомученицы и исповедницы Российстии, очистите нас от грехов наших молитвами вашими, да не с миром осуждени будем.
Богородичен: Водворяет ны змий во юдоль плача и чаяния злых, не можем терпети скорби своея, взываху новомученицы, Ты же, Богородительнице, простерла еси им покров Свой и спасла еси от сетей вражиих.
Песнь 6
Ирмос: Бездна последняя грехов обыде мя и волнения не ктому терпя, яко Иона, Владыце вопию Ти: от тли мя возведи.
Волны безбожнаго нечестия тщашася потопити корабль Церкве Русския, Ты же, Истинный Кормчий, спасл еси шествующия на нем молитвами страстотерпцев Российских, вопиющих: Господи Сил, из смертоносныя глубины возведи ны.
Безбожнии внуцы Каиновы святыни церковныя поруганию и огню предаша, обители разориша, храмы, яко овощныя хранилища, содеяша, христолюбивыя люди в темницы заключиша и умучиша. Вы же, страстотерпцы, с любовию учили есте: сие бысть по грехом нашим, людие, покайтеся.
Увы нам, увы, вопияху исповедницы Российстии, видяще, яко безумнии богоборцы святыни земли нашея разориша, обители, яко узилища темничная, содеяша, храмы Божии в скверная и позорищная места обратиша и кровь христианскую в них пролияша. Сего ради опустошишася сердца нечестивых и живот их аду приближися.
Богородичен: Изведи нас из рова погибели и уврачуй наша греховныя язвы, Пресвятая Мати Дево, да неосужденно сподобимся присно прославляти новомученики Сына Твоего и Бога нашего.
Кондак новомучеником, глас 3.
Подобен: Дева днесь:
Днесь новомученицы Российстии в ризах белых предстоят Агнцу Божию и со Ангелы песнь победную воспевают Богу: благословение, и слава, и премудрость, и хвала, и честь, и сила, и крепость нашему Богу во веки веков. Аминь.
Песнь 7
Ирмос: Отроцы в Вавилоне пещнаго пламене не убояшася, но посреде пламене ввержени, орошаемы пояху: благословен еси, Господи Боже отец наших.
Отроцы в Вавилоне древле, яко основание, новомученицы же Российстии ныне, яко увенчание, с лики страстотерпец присно взывают: благословен еси, Господи Боже отец наших.
Отроцы в Вавилоне пещнаго пламене не убояшася, новомученицы же Российстии, тем подражающе, гонения безбожных в ничтоже вмениша, темже ныне согласно с ними воспевают: благословен еси, Господи Боже отец наших.
Днесь торжествует Церковь Русская, снятии бо новомученицы, сродницы наши, к ликостоянием святых от века Богу благоугодившим присовокупившеся, согласно с ними воспевают хвалебную песнь: благословен еси, Боже отец наших.
Богородичен: Предстоящи Ти Кресту Сына Твоего, Богомати, оружие пройде душу Твою, темже и попечение сугубое о возлюбивших Его прияла еси, иже Тя сыновне величают: благословена Ты в женах еси, Всенепорочная Владычице.
Песнь 8
Ирмос: За законы отеческия блаженнии в Вавилоне юношы предбедствующе, царюющаго оплеваша повеление безумное, и, совокуплены, имже не сваришася огнем, державствующему достойную воспеваху песнь: Господа пойте, дела, и превозносите во вся веки.
Законы Христовы возлюбиша новомученицы и исповедницы Российстии, безбожная же повеления отринуша и, ревностию о Бозе связуемии, Богу победную песнь воспеваху: да благословит Господа Русь Святая и превозносит Его во веки.
Егда земля Российская тьмою безбожия и каиновым озлоблением объята бысть, тогда мнози христолюбивии людие на горькия работы изгнани быша и глад, мраз, зной и смерть лютую мужественно претерпеша, верою же, надеждею и любовию совокуплени, достойную воспеваху песнь: да благословит Господа Русь Святая и превозносит Его во веки.
Ангелов хвалу и новомучеников славословие милостивно приемляй, не отрини, Триипостасный Боже, от сонма их и нас, недостойных, но сподоби вкупе с ними воспевати: да благословит Господа Русь Святая и превозносит Его во веки.
Богородичен: Зрящи поругание святаго удела Своего, скорбяше Пречистая Матерь и державную помощь верным людем простираше, Сына же Своего усердно моляше, взывающи: да благословит Господа Русь Святая и превозносит Его во веки.
Песнь 9
Ирмос: Странствия Владычня и безсмертныя трапезы на Горнем месте высокими умы, вернии, приидите, насладимся возшедша Слова, от Слова научившеся, Егоже величаем.
Безсмертныя трапезы и жизни вечныя во Царствии Божием наслаждаются ныне новомученицы и исповедницы Российстии, исполнися бо на них обетование Господне: побеждающим дам сести со Мною на Престоле Моем.
Да прославятся с лики новомучеников и исповедников Российских жены богомудрыя земли нашея, яже мироносиц восприемшя чин и мужески Христу последовавшя, страдания за Имя Его претерпеша и верно отцем, мужем и братиям нашим, Христа ради мучимым, послужиша. Сего ради ныне в жизни вечней вкупе с ними трапезы безсмертныя наслаждаются.
Жизнодавче Господи, молитвами новомучеников и исповедников Российских упокой со всеми праведными верныя рабы Твоя, за имя Твое пострадавшыя: святители и иереи, монаси и мирстии, старыя, юныя и всяк возраст, именуемыя и неименуемыя, яко истинныя сыны и други Божия.
Богородичен: Яко Взбранная Воевода воинства новомучеников и исповедников Российских, державный покров и милостивное заступление явила еси, Пресвятая Дево, земли нашей, опустошаемой скорбными и безбожными наведении. Сего ради ныне молим Тя: прости люди согрешшыя и сохрани Святую Русь.
Светилен новомучеником:
Яко отребие, миру бысте, святии новомученицы и исповедницы Российстии, камением побиени быша, претрени быша, искушени быша, убийством меча умроша, свидетельствующе о Свете Истиннем, Иисусе Христе, Господе нашем.
Акафист новомученикам и исповедникам Церкви Русской
Текст утвержден Священным Синодом
Русской Православной Церкви
10 октября 2009 года
(журнал № 95)
Конда́к 1
Избра́ннии новому́ченицы и испове́дницы Росси́йстии,
свиде́телие Христо́вы, а́гнцы новозакла́ннии,
кро́вию свое́ю ри́зы Це́ркве на́шея украси́вшии.
Вы, преще́ний мучи́телей не убоя́вшеся,
любо́вь к Бо́гу да́же до сме́рти яви́ли есте́
и в жи́зни ве́чней к Нему́ дерзнове́ние стяжа́ли есте́.
Те́мже, предстоя́ще престо́лу Вседержи́теля,
помина́йте нас, любо́вию вас почита́ющих и вопию́щих:
Ра́дуйтеся, новому́ченицы и испове́дницы Росси́йстии, Це́ркве на́шея похвало́ и украше́ние.
И́кос 1
А́нгелов Творе́ц и ми́ра Зижди́тель от ве́ка предъизбра́ вас, я́ко ве́рныя свиде́тели Своя́ в земли́ Росси́йстей, и в годи́ну тя́жких испыта́ний благода́ть и си́лу вам дарова́. Вы же, ве́ру Правосла́вную ми́ру безбо́жному яви́вше, тве́рдым испове́данием, изгна́нием и терпе́нием страда́ний, Христа́ просла́вили есте́. Сего́ ра́ди и мы прославля́ем вас си́це:
Ра́дуйтеся, измла́да Христа́ возлюби́вшии;
ра́дуйтеся, глас Па́стыря До́браго послу́шавшии.
Ра́дуйтеся, Ца́рства Бо́жия внутрь себе́ при́сно иска́вшии;
ра́дуйтеся, крест на ра́мо свое́ взе́мшии.
Ра́дуйтеся, сла́ву ми́ра сего́ отри́нувшии;
ра́дуйтеся, за Христа́ страда́ния претерпе́вшии.
Ра́дуйтеся, любве́ ра́ди Бо́жия смерть прие́мшии;
ра́дуйтеся, небе́снаго Ца́рствия дости́гшии.
Ра́дуйтеся, новому́ченицы и испове́дницы Росси́йстии, Це́ркве на́шея похвало́ и украше́ние.
Конда́к 2
Ви́дя оте́чество на́ше в беда́х и ско́рбех су́щее, святи́телю о́тче Ти́хоне, богоизбра́нный патриа́рше земли́ на́шея, призыва́л еси́ ве́рная ча́да Це́ркве Росси́йския за Христа́ и ве́ру Правосла́вную му́жественне стоя́ти. Сам же, по вся дни умира́я за па́ству твою́, испове́дник непоколеби́мый яви́лся еси́, воспева́я Бо́гу:Аллилу́ия.
И́кос 2
Ра́зумом Боже́ственным просвеща́емь, святи́телю о́тче Ти́хоне, Це́рковь Ру́сскую му́дре упра́вил еси́, и, безбо́жныя гони́тели облича́я, па́ству твою́ по́двиги новому́чеников почита́ти призыва́л еси́. Сего́ ра́ди вопие́м тебе́ си́це:
Ра́дуйся, первосвяти́телей Моско́вских благода́тный прее́мниче;
ра́дуйся, Земли́ Ру́сския вели́кий печа́льниче.
Ра́дуйся, апо́стольских преда́ний усе́рдный храни́телю;
ра́дуйся, сокро́вищ Правосла́вныя ве́ры благогове́йный блюсти́телю.
Ра́дуйся, благода́ть Ду́ха Свята́го в се́рдце при́сно име́вый;
ра́дуйся, разделе́ния церко́вная любо́вию врачева́вый.
Ра́дуйся, заточе́ние и поруга́ния му́жественне претерпе́вый;
ра́дуйся, кре́стный путь с па́ствою твое́ю проше́дый.
Ра́дуйтеся, новому́ченицы и испове́дницы Росси́йстии, Це́ркве на́шея похвало́ и украше́ние.
Конда́к 3
Си́лою, да́нною вам свы́ше, страстоте́рпцы сла́внии, царю́ Нико́лае и цари́це Алекса́ндро, царе́вичю Алекси́е и царе́вны О́льго, Татиа́но, Мари́е и Анастаси́е, лише́ние ца́рства и сла́вы земны́я со смире́нием восприя́ли есте́. Страда́нием же во́льным да́же до сме́рти Христу́ после́довали есте́ и за убива́ющия вы моли́лися есте́, вопию́ще Бо́гу: Аллилу́ия.
И́кос 3
Иму́ще ве́ру несумне́нну, я́ко вся от Бо́га суть, изгна́ние, поруга́ние и темни́чное заточе́ние му́жественне претерпе́ли есте́, ца́рственнии страстоте́рпцы, и му́ченических венце́в сподо́билися есте́. Сего́ ра́ди вопие́м вам си́це:
Ра́дуйтеся, вене́ц и похвало́ ро́да ца́рскаго и богоизбра́ннаго;
ра́дуйтеся, пресла́вныя о́трасли ко́рене благочести́ваго.
Ра́дуйтеся, ца́рствия земна́го лише́ние со смире́нием прие́мшии;
ра́дуйтеся, страда́нии ва́шими Ца́рствия Небе́снаго сподо́бльшиися.
Ра́дуйтеся, за враги́ своя́ усе́рдно моли́вшиися;
ра́дуйтеся, всем се́рдцем Бо́га взыска́вшии.
Ра́дуйтеся, о́браз испове́дничества ве́рным лю́дем показа́вшии;
ра́дуйтеся, седмочи́сленнии страстоте́рпцы, во еди́ном ду́се Бо́гу предста́вшии.
Ра́дуйтеся, новому́ченицы и испове́дницы Росси́йстии, Це́ркве на́шея похвало́ и украше́ние.
Конда́к 4
Бу́рею гоне́ний на Це́рковь Ру́сскую обдержи́ми, святи́телие Бо́жии, ве́рою и страда́ньми му́ченическими благода́ть Христо́ву стяжа́ли есте́ и, кора́бль церко́вный неврежде́нно сохрани́вше, подража́тели пе́рвым му́чеником яви́лися есте́. С ни́ми же на Небесе́х взыва́ете Бо́гу побе́дную песнь: Аллилу́ия.
И́кос 4
Ве́дуще глас ева́нгельский, я́ко па́стырь до́брый ду́шу свою́ полага́ет за о́вцы, священному́ченицы до́блии, любве́ ра́ди Христо́вы и па́ствы своея́ изгна́ния, глад, хлад, зной со́лнечный и рабо́ты го́рькия претерпе́ли есте́, сме́ртию му́ченическою житие́ свое́ увенча́вше. Сего́ ра́ди и мы с любо́вию прославля́ем вас си́це:
Ра́дуйтеся, зало́г Христо́в до́бре сохрани́вшии;
ра́дуйтеся, житие́м и сме́ртию о́браз ве́рным показа́вшии.
Ра́дуйтеся, же́ртву безкро́вную благогове́йне соверша́вшии;
ра́дуйтеся, саме́х себе́ в же́ртву живу́ю прине́сшии.
Ра́дуйтеся, Це́ркве Росси́йския сла́во;
ра́дуйтеся, оте́чества на́шего украше́ние.
Ра́дуйтеся, па́ствы ва́шея ко Христу́ путеводи́телие;
ра́дуйтеся, догма́тов церко́вных ре́вностнии блюсти́телие.
Ра́дуйтеся, новому́ченицы и испове́дницы Росси́йстии, Це́ркве на́шея похвало́ и украше́ние.
Конда́к 5
Богосве́тлыя зве́зды на не́бе церко́внем яви́лися есте́, священноиспове́дницы Росси́йстии, и, поноше́ния, заточе́ния, изгна́ния и го́рькия рабо́ты претерпе́вше, Го́спода Иису́са Христа́ му́жественне испове́дали есте́. Та́же, благоче́стно в ми́ре пожи́вше, путь ко спасе́нию во тьме безбо́жия яви́ли есте́, науча́юще ве́рныя при́сно благода́рственно пе́ти Бо́гу: Аллилу́ия.
И́кос 5
Ви́девше разоре́ние земли́ Ру́сския и беззако́ние ве́лие, опустоши́вшее ю́, вы, священноиспове́дницы сла́внии, стра́ха и сме́рти не убоя́лися есте́ и, по́двиги испове́дничества благоуха́юще, я́ко кри́ни се́льнии посреде́ пусты́ни, процвели́ есте́. Сего́ ра́ди прославля́ем вас си́це:
Ра́дуйтеся, моли́твою те́плою сердца́ ва́ша в по́двизе утвержда́вшии;
ра́дуйтеся, тве́рдым испове́данием ве́ры просия́вшии.
Ра́дуйтеся, во страда́ниих терпе́ние и кро́тость яви́вшии;
ра́дуйтеся, я́ко а́гнцы незло́бивии посреде́ волко́в ходи́вшии.
Ра́дуйтеся, слу́жбу Бо́жию во у́зах соверша́вшии;
ра́дуйтеся, соу́зники в терпе́нии укрепля́вшии.
Ра́дуйтеся, ду́ши ва́ша за па́ству полага́вшии;
ра́дуйтеся, посреде́ гоне́ний благода́тию Бо́жиею храни́мии.
Ра́дуйтеся, новому́ченицы и испове́дницы Росси́йстии, Це́ркве на́шея похвало́ и украше́ние.
Конда́к 6
Пропове́дует Це́рковь Росси́йская по́двиги ва́ша, преподобному́ченицы достосла́внии, по́ты трудо́в и кро́вию муче́ний зе́млю на́шу освяти́вшии. Вы бо, слеза́ми покая́ния ду́ши ва́ша омы́вше, в же́ртву живу́ю, благоприя́тную Го́сподеви, себе́ предугото́вили есте́. Ны́не же Ему́ дерзнове́нно предстоите́ и взыва́ете побе́дную песнь: Аллилу́ия.
И́кос 6
Возсия́ свет Христо́в в сердца́х ва́ших, преподобному́ченицы, вы бо, я́ко во́ини добропобе́днии, моли́тву во всеору́жие прие́мше, ве́ры пра́выя ника́коже отпа́ли есте́ и, у́зы темни́чныя, муче́ния тя́жкая и рабо́ты го́рькия претерпе́вше, лю́тую смерть от безбо́жных прия́ли есте́. Сего́ ра́ди прославля́ем вас си́це:
Ра́дуйтеся, путь и́стиннаго Богопозна́ния нам показа́вшии;
ра́дуйтеся, ду́ши ва́ша за Христа́ положи́вшии.
Ра́дуйтеся, я́звы Го́спода Иису́са Христа́ на телесе́х ва́ших носи́вшии;
ра́дуйтеся, вся тле́нная ми́ра сего́ презре́вшии.
Ра́дуйтеся, любо́вь Христо́ву к мучи́телем яви́вшии;
ра́дуйтеся, моли́тву за ненави́дящих вас пролия́вшии.
Ра́дуйтеся, ве́лие дерзнове́ние ко Го́споду стяжа́вшии;
ра́дуйтеся, по́двиги по́стническими и кро́вию ва́шею зе́млю Ру́сскую освяти́вшии.
Ра́дуйтеся, новому́ченицы и испове́дницы Росси́йстии, Це́ркве на́шея похвало́ и украше́ние.
Конда́к 7
Хотя́ще во дни гоне́ний безбо́жных на Це́рковь Ру́сскую, ве́ру тве́рдую и любо́вь ко Го́споду сохрани́ти, преподобноиспове́дницы честни́и, поноше́ния, заточе́ния, изгна́ния и го́рькия рабо́ты, Христа́ ра́ди претерпе́ли есте́. Та́же, благоче́стно в ми́ре пожи́вше, мно́гим путь ко спасе́нию показа́ли есте́, науча́юще пе́ти Бо́гу побе́дную песнь: Аллилу́ия.
И́кос 7
Но́выя испове́дники показа́ вас Госпо́дь, преподо́бнии отцы́ на́ши, егда́ прии́де испыта́ти лю́ди Своя́, вас же, блаже́ннии, обре́те рабы́ бдя́щия, смире́нием и доброде́тельми украше́нныя. Сего́ ра́ди прославля́ем вас си́це:
Ра́дуйтеся, и́го благо́е на ра́мена своя́ взе́мшии;
ра́дуйтеся, по́двиги поста́ и моли́твы просия́вшии.
Ра́дуйтеся, му́жество и кре́пость в страда́ниих яви́вшии;
ра́дуйтеся, испове́данием ва́шим ве́ру запечатле́вшии.
Ра́дуйтеся, ве́рность Христу́ в житии́ ва́шем сохрани́вшии;
ра́дуйтеся, мно́гия лю́ди в ве́ре пра́вей наста́вившии.
Ра́дуйтеся, за́поведей Христо́вых ве́рнии исполни́телие;
ра́дуйтеся, по́двигов новому́чеников и́стиннии свиде́телие.
Ра́дуйтеся, новому́ченицы и испове́дницы Росси́йстии, Це́ркве на́шея похвало́ и украше́ние.
Конда́к 8
Стра́нное чу́до ми́ру яви́сте, новому́ченицы Росси́йстии, вы бо, во страда́нии кре́пость показа́вше, си́лою Христо́вою безбо́жныя одоле́сте и сме́ртию ва́шею воскресе́ние Христо́во пропове́дасте. Ны́не же у престо́ла Бо́жия предстоите́ и воспева́ете побе́дную песнь: Аллилу́ия.
И́кос 8
Вся кра́сная ми́ра сего́ презре́вше, святи́и новому́ченицы Росси́йстии, во след Го́споду кре́стным путе́м после́довали есте́ и по за́поведи ева́нгельстей мзду мно́гу на Небесе́х обрели́ есте́. Сего́ ра́ди приими́те от нас похвалы́ сицевы́я:
Ра́дуйтеся, ве́рнии сы́ны Це́ркве Росси́йския, безбо́жных гони́телей не убоя́вшиися;
ра́дуйтеся, у́зы темни́чныя, труды́ го́рькия и изгна́ния претерпе́вшии.
Ра́дуйтеся, дре́вним му́чеником в страда́ниих уподо́бившиися;
ра́дуйтеся, тала́нт, вруче́нный вам Го́сподем, терпе́нием преумно́жившии.
Ра́дуйтеся, блаже́нство изгна́нных пра́вды ра́ди ве́рою дости́гшии;
ра́дуйтеся, кро́вию ва́шею Зе́млю Ру́сскую освяти́вшии.
Ра́дуйтеся, страда́нии ва́шими о́браз ве́рным подаю́щии;
ра́дуйтеся, венцы́ нетле́нныя от Христа́ Бо́га прие́мшии.
Ра́дуйтеся, новому́ченицы и испове́дницы Росси́йстии, Це́ркве на́шея похвало́ и украше́ние.
Конда́к 9
Вся́ческая страда́ния за Христа́ претерпе́вше, испове́дницы пресла́внии, ве́ру Правосла́вную сохрани́ли есте́ и, терпе́нием гони́тели Це́ркве Ру́сския посрами́вше, благоче́стием в ми́ре возсия́ли есте́. Ны́не же престо́лу Бо́жию предстоите́ и воспева́ете хвале́бную песнь: Аллилу́ия.
И́кос 9
Вети́и церко́внии недоумева́ют ка́ко воспе́ти вас по достоя́нию, но́вии испове́дницы Це́ркве Ру́сския, вы бо в ско́рбех, изгна́ниих и заточе́ниих, Христа́ и́стиннаго Бо́га просла́вили есте́ и ве́рным путь ко спасе́нию указа́ли есте́. Мы же, прибега́юще к моли́твенному предста́тельству ва́шему, дерза́ем ублажа́ти вас си́це:
Ра́дуйтеся, все упова́ние на Бо́га возложи́вшии;
ра́дуйтеся, по́двиг испове́дничества в терпе́нии соверши́вшии.
Ра́дуйтеся, мучи́телей безбо́жных не убоя́вшиися;
ра́дуйтеся, немощны́я в ве́ре укрепи́вшии.
Ра́дуйтеся, рабо́ты го́рькия в сла́дость духо́вную восприе́мшии;
ра́дуйтеся, сердца́ ва́ша Бо́гу в же́ртву прине́сшии.
Ра́дуйтеся, страда́нием ду́ши ва́ша очи́стившии;
ра́дуйтеся, житие́м святы́м о́браз ве́рным показа́вшии.
Ра́дуйтеся, новому́ченицы и испове́дницы Росси́йстии, Це́ркве на́шея похвало́ и украше́ние.
Конда́к 10
Спасти́ хотя́ Госпо́дь мно́жество жен и дев, во оби́тели и́ноческия ты́я призва́. Во дни же гоне́ний безбо́жных му́жескую кре́пость им дарова́, е́же за и́мя Свое́ пострада́ти и терпе́нием мно́гим Ца́рствия Небе́снаго дости́гнути, да я́ко му́дрыя де́вы, в черто́зе бра́чнем Христу́ Жениху́ воспева́ют песнь: Аллилу́ия.
И́кос 10
Стена́ и по́мощь благонаде́жная бы́сть Богоро́дица вам, святы́я преподо́бныя жены́, му́ченицы и испове́дницы, в ско́рбех, изгна́ниих и у́зах пребыва́ющим. Вы бо любо́вию и труды́ лю́дем стра́ждущим, я́ко Самому́ Сы́ну Ея́, послужи́сте. Те́мже с благодаре́нием вас ублажа́ем:
Ра́дуйтеся, преподобному́ченицы, я́ко а́гницы непоро́чныя, за Христа́ закла́нныя;
ра́дуйтеся, преподобноиспове́дницы, я́ко голуби́цы чи́стыя, се́тей врага́ изба́вльшияся.
Ра́дуйтеся, жите́йская попече́ния во и́ночестве отри́нувшия;
ра́дуйтеся, во страда́ниих Христу́, я́ко мироно́сицы, после́довавшия.
Ра́дуйтеся, гоне́ний жесто́ких и сме́рти лю́тыя не убоя́вшияся;
ра́дуйтеся, в муче́ниих благода́тию Бо́жиею укрепля́емыя.
Ра́дуйтеся, ева́нгельски, я́ко Мари́я, благу́ю часть избра́вшия;
ра́дуйтеся, я́ко Ма́рфа Христу́, бли́жним послужи́вшия.
Ра́дуйтеся, новому́ченицы и испове́дницы Росси́йстии, Це́ркве на́шея похвало́ и украше́ние.
Конда́к 11
Пе́ние всеумиле́нное прино́сим вам, новому́ченицы и испове́дницы Росси́йския, вы бо, благоче́стно в зако́не Госпо́дни пожи́вша, ве́ру Правосла́вную сохрани́ли есте́, и сме́ртию му́ченическою и терпе́нием страда́ний за Христа́ гони́тели Це́ркве Ру́сския посрами́ли есте́. Ны́не же, во Ца́рствии Небе́снем лику́юща, воспева́ете Бо́гу побе́дную песнь: Аллилу́ия.
И́кос 11
Све́том ева́нгельским просвеще́нныя и за́поведи Госпо́дни сохра́ньшия, святы́я жены́ и де́вы, доброде́тельное житие́ во дни гоне́ний лю́тых страда́нием во́льным увенча́ли есте́ и вои́стину но́выя му́ченицы и испове́дницы яви́лися есте́. Сего́ ра́ди воспева́ем вас си́це:
Ра́дуйтеся, му́ченицы, любо́вию ко Христу́ страх сме́рти превозмо́гшия;
ра́дуйтеся, испове́дницы, в страда́ниих за Христа́ ве́ру и наде́жду соблю́дшия.
Ра́дуйтеся, по́двиги ва́шими А́нгелы возве¬сели́вшия;
ра́дуйтеся, не́мощь естества́ же́нскаго сло́вом Бо́жиим препобеди́вшия.
Ра́дуйтеся, Христо́вы за́поведи житие́м и сме́ртию испо́лнившия;
ра́дуйтеся, му́дрости ева́нгельских дев подража́вшия.
Ра́дуйтеся, муже́м свои́м в гоне́ниих после́довавшия;
ра́дуйтеся, ны́не ку́пно с ни́ми венцы́ Небе́сными увенча́нныя.
Ра́дуйтеся, новому́ченицы и испове́дницы Росси́йстии, Це́ркве на́шея похвало́ и украше́ние.
Конда́к 12
Благода́тное утвержде́ние Це́ркве на́шея и́мамы вас, новому́ченицы и испове́дницы Росси́йстии. Вы бо, се́рдцем ве́рующе в пра́вду, усты́ же Го́спода Иису́са Христа́ во спасе́ние испове́давше, заточе́ния, изгна́ния, го́рькия рабо́ты и смерть претерпе́ли есте́. Ны́не же моли́теся ко Го́споду о нас, земны́х сро́дницех ва́ших, да при́сно с ва́ми пое́м Бо́гу: Аллилу́ия.
И́кос 12
Пою́ще ва́шу небе́сную сла́ву, страстоте́рпцы Христо́вы, лобыза́ем я́звы ва́ша, вы бо, стопа́м дре́вних му́ченик после́дующе, не уклони́стеся ско́рби, ни убоя́стеся темни́цы, го́рькими рабо́тами, гла́дом и хла́дом изморе́ни бы́сте и, многови́дными му́ками умерщвля́еми, я́ко а́гнцы незло́бивии, ве́ры ра́ди пострада́сте и смерть прия́сте. Те́мже приими́те от нас похвалы́ сицевы́я:
Ра́дуйтеся, святи́телие Христо́ви, до́бре Це́рковь упра́вившии;
ра́дуйтеся, иере́и Бо́жии, ду́ши за па́ству полага́вшии.
Ра́дуйтеся, ца́рственнии страстоте́рпцы, от богобо́рных власте́й смерть и поруга́ние прие́мшии;
ра́дуйтеся, благове́рнии кня́зие и княги́ни, благоче́стие да́же до сме́рти соблю́дшии.
Ра́дуйтеся, преподо́бнии му́жие, пра́ведное житие́ венце́м страда́ния увенча́вшии;
ра́дуйтеся, преподо́бныя жены́, кре́пость и му́жество в страда́ниих яви́вшыя.
Ра́дуйтеся, вси правосла́внии христиа́не, за преде́лами оте́чества многоразли́чне пострада́вшии;
ра́дуйтеся, вси ве́домии и неве́домии, Бо́гом увенча́ннии лю́дие.
Ра́дуйтеся, новому́ченицы и испове́дницы Росси́йстии, Це́ркве на́шея похвало́ и украше́ние.
Конда́к 13
О, пресла́внии новому́ченицы и испове́дницы Росси́йстии! Приими́те ма́лое сие́ моле́ние на́ше, в похвалу́ вам ны́не приноси́мое, и моли́теся ко Христу́ Бо́гу, да укрепи́т в лю́дех дух братолю́бия и благоче́стия, да утверди́т во Оте́честве на́шем ве́ру Правосла́вную и сподо́бит нас ку́пно с ва́ми воспева́ти Ему́: Аллилу́ия.
Сей конда́к глаго́лется три́жды. И па́ки чте́тся 1-й и́кос и 1-й конда́к.
Моли́тва
О, святи́и новому́ченицы и испове́дницы Росси́йстии:/ святи́телие и па́стырие Це́ркве Христо́вы,/ ца́рственнии страстоте́рпцы,/ благове́рнии кня́зие и княги́ни,/ до́блии во́ини, мона́си и мирсти́и,/ благочести́вии му́жие и жены́,/ во вся́цем во́зрасте и сосло́вии за Христа́ пострада́вшии,/ ве́рность Ему́ да́же до сме́рти свиде́тельствовавшии/ и вене́ц жи́зни от Него́ прие́мшии!
Вы во дни гоне́ния лю́таго,/ зе́млю на́шу от безбо́жных пости́гшаго,/ на суди́щах, в заточе́ниих и про́пастех земны́х,/ в го́рьких рабо́тах и вся́ких ско́рбных обстоя́ниих/ о́браз терпе́ния и непосты́днаго упова́ния му́жественне яви́ли есте́./ Ны́не же, в раи́ сла́дости наслажда́ющеся,/ пред Престо́лом Бо́жиим во сла́ве предстои́те/ и при́сно хвалу́ и хода́тайство со А́нгелы и все́ми святы́ми Триеди́ному Бо́гу возно́сите.
Сего́ ра́ди мы, недосто́йнии,/ мо́лим вас, святи́и сро́дницы на́ши:/ не забу́дите земна́го оте́чества ва́шего,/ грехо́м Ка́инова братоуби́йства,/ поруга́нием святы́нь, безбо́жием и на́шими беззако́нии отягче́ннаго./ Умоли́те Го́спода Сил,/ да утверди́т Це́рковь Свою́ непоколеби́му в ми́ре сем многомяте́жнем и лука́вом;/ да возроди́т в Земли́ на́шей дух братолю́бия и ми́ра;/ да па́ки бу́дем мы ца́рское свяще́ние,/ род Бо́жий, избра́нный и святы́й,/ при́сно с ва́ми сла́вящий Отца́ и Сы́на и Свята́го Ду́ха во ве́ки веко́в. Ами́нь.