31 октября 2025 года в кафедральный собор города Череповца и Череповецкую епархию из Управления делами Московской Патриархии поступили одобренные Синодальной богослужебной комиссией редакции богослужебных текстов местным святым для богослужебного использования в Череповецкой епархии и печати в епархиальных изданиях.

Это тропари и кондаки преподобному Досифею Череповецкому, преподобному Гурию Шалочскому, преподобному Исаакию Ломскому, составленные работниками кафедрального собора преподобных Афанасия и Феодосия Череповецких, сотрудниками Комиссии по канонизации подвижников благочестия Череповецкой епархии и Богослужебной комиссии Череповецкой епархии иереем Сергеим Бондарем и Екатериной Силиной. Тексты прилагаются.

Тропарь и кондак преподобному Досифею Череповецкому:

Тропарь, глас 5:
Добродетелей рачителю,/ преподо́бне о́тче Досифе́е,/ ми́ра сего́ суету презрев,/ де́бри лесны́я яко обитель себе избрал еси/ и, в хижине малей заключився,/ на ка́мени прекло́нь коле́на,/ по вся дни моли́твы Господеви возноси́л еси./ Помози́ и на́м непрестанно с Богом быти// и Тому единому последовати.

Кондак, глас 8:
Аще и сокрылся еси в места непроходимая,/ угодниче Божий, смиренномудре Досифе́е,/ но труды и подвиги твоя не утаи́шася./ Аще же и ныне обитель, тобою созданная, водами покрыта есть,/ но память твоя от рода в род любовию чтится,/ темже с верою тебе вопием:// радуйся, Досифее, пустынный жителю.

Тропарь и кондак преподобному Гурию Шалочскому:

Тропарь, глас 5:
Небеснаго Царствия взыскуя,/ преподобне отче Гурие,/ в пустыню близ Шалочь-реки вселился еси,/ идеже обитель Успения Пречистыя Богородицы устроив,/ в заповедех Господних безпорочно пожил еси,/ мечем же непрестанныя молитвы вооружився,/ козни невидимых враг сокрушил еси/ и венца славы нетленныя сподобился еси./ Сего ради, дерзновение ко Христу имея,/ испроси нам грехов оставление // и душам нашим спасение.

Кондак, глас 6:
Волнения моря житейскаго и суету мирскую во уметы вменив,/ ангельски на земли пожил еси,/ пустынный жителю, богоблаженне Гурие,/ темже и страсти плотския слезными молитвами потопив,/ обителище Пресвятыя Троицы явился еси./ Монахом же наставник и многим людем утешитель быв,/ путеводствуеши ны ко спасению,/ утоляя скорби сердец наших// и утверждая в вере и благочестии.

Тропарь и кондак преподобному Исаакию Ломскому:

Тропарь, глас 6:
Преподо́бне о́тче Исаа́кие,/ мона́шескаго жития́ о́бразе,/ благое попечение о души имея,/ многия по́стническия труды подъял еси/ и, кова́рства де́монов молитвою препобедив,/ пусты́ню Ло́мскую по́ты твои́ми ороси́л еси́./ Те́мже, тя ве́рно ублажа́юще,/ с любовию сице вопием:// моли́ о на́с Христа́ Бо́га,// да спасе́т ду́ши на́ша.

Кондак, глас 8:
Сле́з твоих теченьми пусты́ню Ломскую возделал еси́,/ и пло́д благий Богови прине́сл еси́,/ и Царствия Небеснаго сподобился еси./ Ныне же Престолу Вседержителя предстоя,/ поминай нас, преподобне Исаа́кие, пред Господем,// да милостив нам будет в день судный.

Напомним, что ранее, летом текущего года, также были одобрены для богослужебного использования в Череповецкой епархии тропарь и кондак еще одному местному святому – преподобному Моисею Белозерскому.

Тропарь и кондак преподобному Моисею Белозерскому:

Тропарь, глас 4:
Светильниче земли Белозерския,/Фиваиды Русския украшение,/отцев богоносных равностоятелю,/преподобне отче Моисее,/постом и молитвами Богу угодив,/дар прозрения свыше стяжал еси,/ и по успении светом богоразумия просвещаеши/любовию воспевающих//всечестную память твою.

Кондак, глас 2:
Христа ради подвиги и труды подъем,/змия древняго попрал еси,/богомудре отче Моисее,/и Царства Божия достигл еси,/темже путевождь буди нам//к Иерусалиму Небесному.