Прежде поъема колоколов на колокольню необходимо совершить над ними чин освящения.  Чин освящения возглавляет  священник или епископ. Перед освящением необходимо разместить  колокола перед церковью таким образом, чтобы можно было окропить их святой водой и снаружи и внутри.  Священнослужитель, облачившись в богослужебные  одежды (священник в епитраль и фелонь, епископ в мантию, епитрахиль, омофор и митру), выйдя из церкви, подходит к колоколам и поставленной на столе, покрытом скатерью,  кропильнице со  святой водой, и начинает совершать чин освящения колоколов:
Благословен Бог наш:

Клир же поет 6-м гласом: Царю небесный:

Посем чтется: Трисвятое: Отче наш: Господи помилуй, 12.

Слава, и ныне: Приидите, поклонимся: трижды.

И псалом 148:
1 Хвали́те Го́спода с небе́с, хвали́те Его́ в вы́шних. 2 Хвали́те Его́, вси А́нгели Его́, хвали́те Его́, вся си́лы Его́. 3 Хвали́те Его́, со́лнце и луна́, хвали́те Его́, вся зве́зды и свет. 4 Хвали́те Его́ Небеса́ небе́с и вода́, я́же превы́ше небе́с. 5 Да восхва́лят и́мя Госпо́дне: я́ко Той рече́, и бы́ша, Той повеле́, и созда́шася. 6 Поста́ви я́ в век и в век ве́ка, повеле́ние положи́, и не ми́мо и́дет. 7 Хвали́те Го́спода от земли́, зми́еве и вся бе́здны: 8 огнь, град, снег, го́лоть, дух бу́рен, творя́щая сло́во Его́, 9 го́ры и вси хо́лми, древа́ плодоно́сна и вси ке́дри, 10 зве́рие и вси ско́ти, га́ди и пти́цы перна́ты. 11 Ца́рие зе́мстии и вси лю́дие, кня́зи и вси судии́ зе́мстии, 12 ю́ноши и де́вы, ста́рцы с ю́нотами 13 да восхва́лят и́мя Госпо́дне, я́ко вознесе́ся и́мя Того́ Еди́наго, испове́дание Его́ на земли́ и на небеси́. 14 И вознесе́т рог люде́й Свои́х, песнь всем преподо́бным Его́, сыново́м Изра́илевым, лю́дем, приближа́ющымся Ему́.

Таже псалом 149.
1 Хвали́те Го́спода с небе́с, хвали́те Его́ в вы́шних. 2 Хвали́те Его́, вси А́нгели Его́, хвали́те Его́, вся си́лы Его́. 3 Хвали́те Его́, со́лнце и луна́, хвали́те Его́, вся зве́зды и свет. 4 Хвали́те Его́ Небеса́ небе́с и вода́, я́же превы́ше небе́с. 5 Да восхва́лят и́мя Госпо́дне: я́ко Той рече́, и бы́ша, Той повеле́, и созда́шася. 6 Поста́ви я́ в век и в век ве́ка, повеле́ние положи́, и  не ми́мо и́дет. 7 Хвали́те Го́спода от земли́, зми́еве и вся бе́здны: 8 огнь, град, снег, го́лоть, дух бу́рен, творя́щая сло́во Его́, 9 го́ры и вси хо́лми, древа́ плодоно́сна и вси ке́дри, 10 зве́рие и вси ско́ти, га́ди и пти́цы перна́ты. 11 Ца́рие зе́мстии и вси лю́дие, кня́зи и вси судии́ зе́мстии, 12 ю́ноши и де́вы, ста́рцы с ю́нотами 13 да восхва́лят и́мя Госпо́дне, я́ко вознесе́ся и́мя Того́ Еди́наго, испове́дание Его́ на земли́ и на небеси́. 14 И вознесе́т рог люде́й Свои́х, песнь всем преподо́бным Его́, сыново́м Изра́илевым, лю́дем, приближа́ющымся Ему́.

Таже псалом 150.

1 Хвали́те Бо́га во святы́х Его́, хвали́те Его́ во утверже́нии си́лы Его́. 2 Хвали́те Его́ на си́лах Его́, хвали́те Его́ по мно́жеству вели́чествия Его́. 3 Хвали́те Его́ во гла́се тру́бнем, хвали́те Его́ во псалти́ри и гу́слех. 4 Хвали́те Его́ в тимпа́не и ли́це, хвали́те Его́ во стру́нах и орга́не. 5 Хвали́те Его́ в кимва́лех доброгла́сных, хвали́те Его́ в кимва́лех восклица́ния. 6 Вся́кое дыха́ние да хва́лит Го́спода.
Слава, и ныне: Аллилуиа, трижды.

Диакон же глаголет eктению сию:

Миром Господу помолимся:  даже до  О плавающих:

И абие прилагает сия:

О eже благословити кампан сей, в славу святаго Имене Своего, небесным Своим благословением, Господу помолимся.

О eже подати eму благодать, яко да вси слышащии звенение eго, или во дни или в нощи, возбудятся к славословию Имене Святаго Твоего, Господу помолимся.

О eже гласом звенения eго утолитися и утишитися и престати всем ветром зельным, бурям же, громом и молниям, и всем врeдным безведриям, и злорастворeнным воздухом, Господу помолимся.

О eже отгнати всю силу, коварства же и наветы невидимых врагов, от всех верных своих, глас звука eго слышащих, и к деланию заповедей своих возбудити я, Господу помолимся.

О eже избавитися нам от всякия скорби:

Заступи, спаси, помилуй:

Пресвятую, Пречистую, Преблагословенную:

Возглас: Яко подобает Тебе всякая слава честь и поклонение:

Лик: Аминь.

 

По сих чтут псалом 28:
1 Принеси́те Го́сподеви сы́нове Бо́жии, принеси́те Го́сподеви, сы́ны о́вни, принеси́те Го́сподеви сла́ву и честь. 2 Принеси́те Го́сподеви сла́ву и́мени Его́, поклони́теся Го́сподеви во дворе́ святе́м Его́. 3 Глас Госпо́день на вода́х, Бог сла́вы возгреме́, Госпо́дь на вода́х мно́гих. 4 Глас Госпо́день в кре́пости, глас Госпо́день в великоле́пии. 5 Глас Го́спода, сокруша́ющаго ке́дры, и стры́ет Госпо́дь ке́дры Лива́нския: 6 и истни́т я́ я́ко тельца́ Лива́нска, и возлю́бленный я́ко сын единоро́жь. 7 Глас Го́спода, пресеца́ющаго пла́мень огня́. 8 Глас Го́спода, стряса́ющаго пусты́ню, и стрясе́т Госпо́дь пусты́ню Кадди́йскую. 9 Глас Госпо́день сверша́ющий еле́ни, и откры́ет дубра́вы, и в хра́ме Его́ вся́кий глаго́лет сла́ву. 10 Госпо́дь пото́п населя́ет, и ся́дет Госпо́дь Царь в век. 11 Госпо́дь кре́пость лю́дем Свои́м даст, Госпо́дь благослови́т лю́ди Своя́ ми́ром.

 

По скончании же псалма, рекшу диакону: Господу помолимся,

И клиру: Господи помилуй.
Иерей же чтет молитву сию:

Господи Боже наш, хотяй от всех верных Твоих всегда славимь и покланяемь быти, в ветсем завете рабу своему законоположнику Моисею трубы срeбряны сотворити, и сыном Аароновым жрецeм в ня, внегда жрети им Тебе, вострубити повелел eси, яко да услышавше людие Твои глас трубный, готови eже поклонитися Тебе будут, и ко eже жертвы приносити Тебе соберутся, и в бранех труб сих гласом оглашени, к побеждению врагов крепко вооружатся. И ныне, Владыко Пресвятый, смиренно молим Тя, призри милостивно на прилежное моление нас недостойных рабов Твоих, и кампан сей, к службе церкве твоея святыя, в славу же великолепаго и всесвятаго Имене Твоего сооруженный, небесным святым Твоим благословением и благодатию всеосвящающаго Твоего Духа благослови и освяти, и влей вонь силу благодати Твоея, яко да услышавше вернии раби Твои глас звука eго, в благочестии и вере укрепятся, и мужественно всем диавольским наветом сопротивостанут, и молитвами и всегдашним славословием Тебе истиннаго Бога сия победят, к церкви же на молитву и славословие Святаго имене Твоего, во дни и в нощи спешно, яко ведоми да ведутся: да утолятся же и утишатся, и престанут и нападающия бури ветренныя, грады же и вихри и громы страшнии и молния, и злораствореннии и вреднии воздухи гласом eго. Ты бо Господи Боже наш, не точию умными и одушевленными созданиями твоими, в славу Твою и в спасение и пользу верных твоих, но и бездушными, якоже Моисеовым жезлом, и медяною змиею в пустыни, вся яже хощеши преславная твориши и чудодействуеши: вся бо Тебе возможна суть, не возможно же ничтоже: и Тебе славу возсылаем, Отцу, и Сыну, и Святому Духу, ныне и присно, и во веки веков.
Лик: Аминь.

 

Иерей: Мир всем.

Лик: И духови твоему.

Диакон: Главы ваша Господеви приклоните.

Лик: Тебе Господи.

И всем предстоящим главы приклоншим чтет иерей тайно молитву сию:

Владыко Боже Отче Вседержителю, иже трубным гласом седмию жрец идущих пред кивотом свидения, иерихонским твeрдым стенам пасти и разрушитися сотворил eси, и вся во граде сущия в руце людей твоих предал eси: ты и ныне кампан сей небесным твоим благословением исполни, яко да глас звенения eго услышавше, противныя воздушныя силы далече от оград верных твоих отступят, и вся раздежeнныя их oгненныя, яже на нас, стрелы угаснут, трескания же молний, нападение града, и вся врeдныя воздухов злорастворeния, всесильною и крепкою десницею прогонима и удeржанна да утолятся, утихнут и отступят: вся бо Ты в славу Твою, к пользе и спасению нашему чрез посрeдства действуеши. И возглашает: Твое бо eсть, eже миловати и спасати ны, Боже наш, и Тебе славу возсылаем, Безначальному Отцу, со Единородным Твоим Сыном, и с Пресвятым, и Благим, и Животворящим Твоим Духом, ныне и присно, и во веки веков.

Лик: Аминь.

И взем иерей священную воду, кропит кампан от четырех стран eго сверху, окрест идый, глаголя:

Благословляется и освящается кампан сей окроплением воды сея священныя, во имя Отца, и Сына, и Святаго Духа, аминь. [Трижды.]

Такожде и внутри eго кропя на четыре страны, тожде глаголет. Посем, взем кадильницу, кадит кампан от четырех стран, извне и внутрь eго.

Сия же eму совершающу, клирицы чтут псалом 69:

Бо́же, в по́мощь мою́ вонми́, Го́споди, помощи́ ми потщи́ся.  Да постыдя́тся и посра́мятся и́щущии ду́шу мою́, да возвратя́тся вспять и постыдя́тся хотя́щии ми зла́я.  Да возвратя́тся а́бие стыдя́щеся глаго́лющии ми: бла́гоже, бла́гоже. Да возра́дуются и возвеселя́тся о Тебе́ вси и́щущии Тебе́, Бо́же, и да глаго́лют вы́ну, да возвели́чится Госпо́дь, лю́бящии спасе́ние Твое́:  аз же нищ есмь и убо́г, Бо́же, помози́ ми: Помо́щник мой и Изба́витель мой еси́ Ты, Го́споди, не закосни́.

 

Сим же совершившимся, диакон возглашает: Премудрость.

Чтец глаголет: Числ чтение.

Диакон: Вонмем.

Чтец же чтет паремию сию от четвертых книг Моисеовых, глава 10:

Рече Господь к Моисею, глаголя: Сотвори себе две трубы сребряны, кованы сотвориши я, и будут тебе на созвание сонма, и возставляти полки. И да вострубиши ими, и да соберется к тебе весь сонм, пред двeри скинии свидения. Аще же eдиною трубою вострубят, да приидут к тебе вси князи и тысященачальники израильтестии. И вострубите в знамение и воздвигнутся полцы, ополчающиися на востоки: И вострубите в знамение второе, и воздвигутся полцы, ополчающиися от севера. Знамением да вострубят в воздвижение их. И eгда соберете сонм, вострубите не в знамение. И сынове Аарони жрецы да вострубят трубами: и да будет вам законно вечно в роды ваша. Аще же изыдете на брань в земли вашей к супостатом сопротивящимся вам, и вострубите и назнаменуйте трубами, и воспомянется пред Господем, и избавитеся от враг ваших. И во днех веселия вашего, и в праздницех ваших, и в новомесячиих ваших, вострубите трубами на всесожжeния, и на жeртвы спасений ваших, и будет вам воспоминание пред Богом вашим: Аз Господь Бог ваш.

Посем поют, или чтут стихиры сия,

Глас 2: Земли и прочим стихиям, гнева ради Твоего, грех ради наших движимаго на ны, смущающимся и обуреваeмым, глас знамения сего, якоже Моисеовых сребряных труб услышав Господи, благоутробным Своим oком призри на ны, и не яростию Твоею обличи нас, но умилосердився пощади, всякаго страшнаго прещения Твоего избавляя, яко eдин милосерд.

Глас 1: Основания всея земли подвизаяй, Боже, и сотрясаяй eдин морское ложе, яко создатель всяческих, избави нас праведнаго Твоего прещения, гласом знамения сего отгоняя зельныя бури и ветры, громы же и молния: и бодрых нас и тщаливых всегда к твоему славословию сотвори, и ко исполнению святых Твоих заповедей, яко человеколюбец.

Слава, и ныне, глас 4:

Всячeская eдиною в начале собою непосредственне создавый Господи, ныне же вся посредственне действуяй гласом звона сего освященнаго, всякое уныние с ленивством от сердец верных Твоих отжени, страх же Твой в них с блгочестием вкорени и спешных на молитву, скорых же ко всякому благому делу Твоею силою сотвори, избавляя нас от всех наветов  вражиих, и невредных от злорастворенных воздухов заветрения соблюдая: молитвами Богородицы и всех святых Твоих, яко eдин милосерд.
По скончании же сих, святитель или начальствуяй, рекшу диакону:

Премудрость:
И лику: Честнейшую Херувим: Слава, и ныне: Господи помилуй, трижды, Благослови, творит oбычный дневный отпуст.