Чин  поставления звонаря совершается священником или епископом. Чин принят  4 октября 2012 года  на заседании Священного Синода  Русской  Православной Церкви  под председательством Святейшего Патриарха Московского и всея Руси Кирилла  (журнал №98)

 

Чин поставления звонаря

Благословен Бог наш:

Царю небесный. Трисвятое по Отче наш:

Господи, помилуй (12 раз).

Приидите, поклонимся:

Псалом 150:

1 Хвали́те Бо́га во святы́х Его́, хвали́те Его́ во утверже́нии си́лы Его́. 2 Хвали́те Его́ на си́лах Его́, хвали́те Его́ по мно́жеству вели́чествия Его́. 3 Хвали́те Его́ во гла́се тру́бнем, хвали́те Его́ во псалти́ри и гу́слех. 4 Хвали́те Его́ в тимпа́не и ли́це, хвали́те Его́ во стру́нах и орга́не. 5 Хвали́те Его́ в кимва́лех доброгла́сных, хвали́те Его́ в кимва́лех восклица́ния. 6 Вся́кое дыха́ние да хва́лит Го́спода.

Аллилуиа: (трижды).

Господу помолимся.

Господи, помилуй.

Молитва

Господи, Боже наш, Царю веков и Творче всех, времена и лета сотворивый и круг праздников уставивый. Призри на раба Твоего сего имярек (рабу Твою сию имярек) и благослови его (ю) к чину звонарей Церкве Твоея присоединенным быти, даруй ему (ей) благодать Пресвятаго Твоего Духа, страстей очищение и здравие телесное, во еже имети ему (ей) по вся дни попечение безпорочное о послушании церковнем и прияти мзду вернаго раба Твоего (верныя рабы Твоея) милостию и щедротами Единороднаго Твоего Сына, с Нимже благословен еси, со Пресвятым и Благим и Животворящим Твоим Духом ныне и присно и во веки веков. Аминь.