Молитва праведному Александру Вологодскому

О святый  угодниче Божий Александре!

Подвигом добрым подвизався на земли, восприял еси на небесех венец правды, егоже уготовал есть Господь всем любящым Его. Темже взирающее на святый твой образ, радуемся о преславнем скончании жительства твоего и чтем святую память твою. Ты же, предстоя престолу Божию, прими моления наша и ко всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веце и сподобимся предстательством твоим, аще и недостойни есмы, видети благая на земли живых, славящее Единаго во святых своих славимаго Бога, Отца и Сына и Святаго Духа, ныне и во веки веков. Аминь.

Тропарь, глас 4

Яко к Богу молитвенник усердный/

и Духа Святаго стяжателю предивный,/

христоподражательного смирения

и кротости учителю/

и веры твердыя насадителю,/

Вологодский целебниче/

и к Богу усердный подвижниче,/

образ благодатныя духовныя жизни показал еси,/

и дивный прозорливец явился еси,/

отче Александре блаженнее,/

моли Всеблагого Бога/

спастися душам нашим.

Кондак, глас 8

Вышния красоты желая, земная блага оставил еси,/

во юродство претворився волею,/

мира сего красная отнюд возненавидел еси/

и добре Богу угодил еси;/

сего ради от Него чудесы прославися,/

всякие человеческие недуги и язи душ исцеляюще./

Сего ради твою память чтуще светло празднуем,/

отче Александре блаженне,/

вознеси наша воздыхания ко Владыке мира,/

мир всем испроси и душам нашим велию милость.